我唯有自己帶曲奇出去玩
天氣咁好, 冇理由浪費一整天既
下午約埋soball媽食完lunch
就call車入西貢
好在soball媽同男友住得比較近
由佐敦再落長沙灣去接曲奇上車
同男友講時, 我自己帶曲奇出街
佢都已經叮囑我叫我小心, 唔好整唔見曲奇!
頓時覺得壓力好大tim, 不過我仲應男友一句"我帶曲奇出街多過你!"
後來諗諗下先醒起其實遠行又真係好似第一次喎
入到西貢, 天色冇九龍咁好
不過都依然見到好多狗
可能又秋高氣爽, 仲有好多人放風箏tim
好怕d風箏線我地睇唔到, 割傷曲奇同soball就麻煩
放曲奇繩時
佢就好開心咁周圍聞狗
佢走得好開心嫁!
後來曲奇掛住周圍聞, 我叫又唔聽, 正衰仔!
又加上佢亞媽"我"超細膽
又怕擔當唔起有咩事
我唯有都係上番繩
曲奇又變番個靜態曲奇啦!
(有冇留意我既背影, 好鬼慈母feel)
soball媽同佢朋友見到曲奇上番繩
都即係話曲奇變左樣
陰公豬!
好攪笑, 由我地去到西貢一落車0個刻到走最後一刻
曲奇係咁俾人撩影相
又話佢d毛靚, 其實已經好厚啦!
夜晚時, 我地仲見到三個小朋友
佢地既媽媽唔介意佢地掂曲奇
仲俾佢地同曲奇玩左好耐
其實佢肯俾d小朋友同曲奇玩, 我就梗係樂意奉陪啦!
曲奇又真係好乖咁, 又唔jump又唔吠
任佢地一個摸頭. 一個摸身,
全程都好乖乖! 最攪笑個媽咪最後攞個相機出黎同佢地同曲奇影相
仲不停咁讚曲奇係明星狗, 因為一話影相,
曲奇識望鏡頭同笑笑口咁影相
氹得人地幾開心!
玩到六點幾, 天色已經黑色lu!
就call車番屋企
曲奇個size又大隻, 原本我地三個女仔加兩隻狗可以全部坐後排
但係曲奇一個已經佔左一個位, 唯有好唔好意思叫soball媽朋友坐前排
點知, 坐車都發生小意外....
當我以為個個坐好曬, 放低我個袋向坐位時.
"bang"一聲我個袋跌左落地, omg, 男友部相機向我袋入面, 仲要冇protection
即刻攞出黎驗機, 好在冇事!
番到屋企當然俾男友話兩句
男友睇到仲work, 就算數唔出聲!
真好彩~~~
又同場加映
soball....雖然好叻仔, 夠膽自己去聞下d狗狗
不過e位小朋友, 你要衛生少少喎!
你睇你塞左自己個鼻鼻去人地0個patpat度啦! 真係零距離呀!
仲有, 我要多謝soball媽一聲
其實0個日全部相都係soball影嫁
因為佢想試下marco枝鏡, 300mm有幾遠喎!
所以我咪攞埋去西貢俾佢玩囉!
點知佢掛住玩鏡, 佢向marco部相機影既相仲多過佢自己0個部!
呵呵呵! 真係唔該你幫曲奇影左唔少靚相加埋我既慈媽背影!
不過你未send番d小朋友相俾我呀!
如果有興趣去睇曲奇同小朋友玩
遲d去chermaine blog度睇!
(哈哈, 迫你寫blog)
